Израел и Иран си размениле пораки за ненапаѓање со посредство на Русија

Во услови на високи тензии, Израел и Иран тајно разменија пораки, со посредство на Русија. Во пораките тие се уверуваат едни со други дека нема да извршат прв напад.
Неколку дена пред да избувнат протестите во Иран кон крајот на декември, израелските претставници го информираа Техеран преку Москва дека нема да го нападнат Иран доколку први не бидат нападнати. Иран одговори преку истиот канал дека ќе се воздржи и од превентивен напад, изјавија дипломати и регионални претставници запознаени со комуникациите, според „Вашингтон пост”.