Италијанските власти донесоа одлука за задржување на бродот „Си Воч 5″ на германската невладина организација, откако екипажот одбил да се закотви во пристаниште. Инцидентот започна на 15 март, кога екипажот спаси 93 мигранти во меѓународни води, по што властите во Рим наредија бродот да се упати кон специфично пристаниште оддалечено 1.100 километри. Наместо тоа, капетанот одлучил да вплови во многу поблиското пристаниште на Сицилија.
Владата на Џорџа Мелони, која спроведува цврста миграциска политика, пред три години донесе указ со кој ги обврзува спасувачките бродови веднаш по акцијата да се упатат кон точно одредено пристаниште, што хуманитарните организации го критикуваат како системско попречување на нивната работа.
Додади Коментар