Филаделфија 76ерс направи голем пресврт и се пласираше во втората рунда од плејофот, откако со 109:100 ги совлада Бостон Селтикс и ја доби серијата со 4-3, иако претходно губеше со 3-1.
Херој на вечерта беше Џоел Ембид со 34 поени, 12 скока и шест асистенции, додека Тајрис Макси одигра одлично со 30 поени, 11 скока и седум асистенции. Ембид испиша историја, станувајќи првиот играч што постигнал 100 поени во плејоф серија иако ги пропуштил првите три натпревари.
Двајцата заедно влегоа и во одбрано друштво, како само трето дуо во историјата на НБА што во седми натпревар има најмалку 25 поени, 10 скока и пет асистенции.
Филаделфија, која беше седми носител, сега ја очекува дуел со Њујорк Никс во втората рунда.
Кај Бостон, во отсуство на Џејсон Тејтум, најрасположен беше Џејлен Браун со 33 поени и девет скока, додека Дерик Вајт додаде 26 поени.