Ливерпул официјално го потврди назначувањето на Андони Ираола за нов менаџер на клубот. Баскискиот стратег пристигнува на „Енфилд“ како наследник на Арне Слот, кој доби отказ по разочарувачката сезона во која „црвените“ не успеаја да ја одбранат титулата и завршија на петтото место во Премиер лигата.
Од клубот не ја открија должината на договорот, но според информациите, Ираола најверојатно потпишал соработка до летото 2028 година.
Четириесет и тригодишниот тренер доаѓа по три успешни сезони на клупата на Борнмут, каде што направи значаен напредок и испиша историја со клубот. Под негово водство, „црешите“ обезбедија пласман во Лига Европа, откако минатата сезона завршија на шестото место во Премиер лигата, само три бода зад Ливерпул.
Раководството на Ливерпул верува дека Ираола е вистинскиот избор за нов почеток и за враќање на тимот во борбата за највисоките трофеи во Англија и Европа. Неговиот офанзивен стил на игра и резултатите со Борнмут беа клучните фактори за неговото ангажирање.
Пред шпанскиот стратег сега стои голем предизвик – да го врати Ливерпул меѓу најдобрите тимови во Англија и да обезбеди стабилно место во Лигата на шампионите.
