Иранските вооружени сили испратија остра порака до САД и Израел, најавувајќи силен воен одговор по неодамнешните напади врз иранска територија.
Портпаролот на иранската армија изјави дека Техеран ќе возврати со „лекција каква што никогаш во историјата не ја доживеале“, нагласувајќи дека одмаздничките операции веќе се во тек. Според него, иранските сили ќе ги таргетираат сите позиции поврзани со американските и израелските воени активности во регионот.
Заканите доаѓаат по координираните напади на САД и Израел врз ирански цели, што предизвикаа сериозна ескалација на конфликтот на Блискиот Исток. Иран како одговор започна ракетни и дронски напади кон израелски цели и американски бази во регионот, со што тензиите достигнаа највисоко ниво во последните години.
Меѓународната заедница предупредува дека ситуацијата може дополнително да се влоши, додека дипломатските напори за смирување на кризата засега не даваат резултати.
