Градскиот трговски центар е еден од симболите на Скопје. Но, последниве десетина години постојано го губи својот сјај и симболика.
Постепеното пропаѓање на некогашната архитектонска и комерцијална гордост на Скопје е видлива на секој чекор. Просторот плаче за реновирање. А дополнително лошо е и тоа што голем дел од дуќаните се празни, особено на погорните катови.
Едноставно, ГТЦ чека институциите да се сетат на него и да му бараат решение. До сега се изнаслушавме многу ветувања. Имаше пред повеќе од 10 години и конкретен проект да се реновира објектот, ама граѓанска иницијатива помогната од тогашната опозиција СДСМ го гушкаше ГТЦ и не го даде за реновирање. Сега гушкачите ги нема.
На потег е оваа централна и градска власт. Можеби решение е и најгорниот кат да биде седиште на градската администрација и така таа сега е во супстандардни бараки.
