Едвај издржала да не заплаче кога во живо на гренландската телевизија КНР шефицата на дипломатијата на Гренланд, Вивијан Моцфелд зборувајќи за огромниот притисок, веднаш по средбата со американскиот потпретседател Џеј Ди Венс и државниот секретар Марко Рубио.
„Последните неколку дена беа исклучително тешки. Притисокот постојано се зголемуваше и се подготвувавме за секое можно сценарио“, рекла министерката.
На состанокот присуствуваше и данскиот министер за надворешни работи, Ларс Леке Расмусен, кој подоцна призна дека делегацијата не успеала да ја промени позицијата на Соединетите Американски Држави.
Во меѓувреме, властите на Гренланд, соочени со зголемен притисок, ја менуваат тактиката. Пораката што сè повеќе се слуша од Нуук е дека сега не е време за коцкање, туку за претпазливи и промислени потези.
Доналд Трамп во последните недели постојано повторуваше дека Гренланд, поради својата стратешка локација и богатството на минерални ресурси, е клучен за безбедноста на Соединетите Американски Држави. Тој тврди дека Вашингтон мора да има контрола врз островот за да ги спречи Русија или Кина да го прошират своето влијание таму. Во исто време, тој рече дека сите опции се на маса, што предизвика сериозни превирања и загриженост во рамките на НАТО.