Скопскиот кеј на Вардар почна да бива почисто место. Особено во централниот дел од градот и тоа откако новиот градоначалник засука ракави и со повеќе рабоптници и механизација ја тргна со години напластената нечистотија.
Тој најавува дека континуирано ќе се врши темелно чистење на кејот како и на коритото на реката Вардар. Дали така ќе биде по целиот кеј низ Скопје?
И, што планира градоначалникот со изгорената, напуштена и грда Галија која гувее кај ГТЦ? Неа ќе ја исчисти ли?
Два претходни градоначалника увидоа дека галијата мора да се дислоцира и ветија дека ќе го сторат тоа. Прво Петре Шилегов уште во 2021 година почна да ја урива со што уште повеќе ја нагрди, ама потоа ја остави таква во речното корито. Потоа и Данела Арсовска многу зборуваше ама ништо не направи.
Сега на потег е Орце Горѓиевски. Галијата конечно треба да се тргне од таму.
