Гостиварец пријавен за обид за силување на сопругата и напад врз двете деца

Четириесет и петгодишен жител на Гостивар доби кривична пријава поради сомнение дека сторил кривични дела „силување во обид“ и „телесна повреда“, соопшти Министерството за внатрешни работи.

Од МВР информираат дека Надворешната канцеларија за криминалистички работи Гостивар поднела кривична пријава против И.Т. (45) од Гостивар.

Според информациите, на 15 август во семејниот дом, осомничениот се обидел со сила да ја принуди својата 35-годишна сопруга на сексуален однос.

Во истиот инцидент, како што наведуваат од полицијата, тој физички ги нападнал и нивните две малолетни деца.

По целосно документирање на случајот, против осомничениот е поднесена соодветна кривична пријава.

Поврзани вести:

17-годишник приведен во Скопје по пријава за однос со 14-годишна малолетничка

21-годишен гостиварец тешко повреден во сообраќајка на булеварот „Браќа Ѓиноски“

Уапсен 36-годишник од Неготино поради разбојништво во обложувалница

Тринаесетгодишно момче претепано од група малолетници во Влае

Мотоциклист од Гостивар „летал“ со 188 километри на час на автопатот Гостивар – Тетово, заработи кривична пријава

71-годишна жена тешко повредена по пад од балкон во Гостивар