Времето денеска ќе биде сончево и многу топло, со мала до умерена локална облачност и максимални температури од 33 до 40 степени, соопшти УХМР. Ќе дува слаб до умерен северен ветер, кој долж Повардарието повремено ќе достигнува брзина до 40 километри на час.
Во попладневните часови, особено во северните делови од земјата, се очекува локален пороен дожд и ретки грмежи. Во Скопје ќе биде сончево и многу топло, со температура до 39 степени.
Според прогнозата, сончевото и многу топло време ќе се задржи и во текот на викендот и следната седмица, со можност за краткотрајна нестабилност во попладневните часови. Метеоролозите препорачуваат граѓаните да избегнуваат подолг престој на сонце и да преземат мерки за заштита од високите температури.
Поврзани вести:
МОЖЕБИ ЌЕ ВЕ ИНТЕРЕСИРА: