Нови сообраќајни гужви вечерва ги затекнаа викендашите кои се враќаат од Охрид кон Скопје. На патниот правец Стража – Гостивар се формирани долги колони возила, а сообраќајот се одвива значително забавено.
Според информации од возачи кои во моментов се на оваа делница, за патување од Стража до Гостивар се потребни меѓу еден час и час и половина, во зависност од интензитетот на сообраќајот.
На повеќе делови од патот возилата се движат во колони, а повремено има и целосно забавување на сообраќајот.
Зголемениот метеж е последица на враќањето на голем број граѓани по продолжениот празничен викенд, особено од Охрид и другите туристички центри во западниот дел на државата.
На возачите им се препорачува трпение, внимателно управување со возилата и почитување на сообраќајната сигнализација, особено на планинските делници каде што се формирани најголемите колони.
