Англискиот премиерлигаш Фулам официјално ги потврди двата трансфери од Реал Мадрид, откако во своите редови ги доведе младите шпански таленти Гонзало Гарсија и Цезар Паласиос. За нивните потписи лондонскиот клуб издвои околу 50 милиони евра.
Двајцата фудбалери потпишаа договори до 2031 година, со можност за продолжување на уште една сезона. Важна улога во нивното доаѓање имал новиот менаџер Алваро Арбелоа, кој добро ги познава од периодот кога работеше во системот на Реал Мадрид.
Најголемото засилување е 22-годишниот напаѓач Гонзало Гарсија, чиј трансфер е вреден околу 40 милиони евра. Тој пристигнува како замена за Раул Хименез и во Фулам ќе го носи дресот со број 7.
Гарсија зад себе има импресивни бројки. Во сезоната 2023/24 постигна 35 голови за младинскиот тим на Реал, а потоа за Кастиља забележа 25 погодоци и четири асистенции на 36 натпревари. Минатата сезона за првиот тим на Реал Мадрид настапи на 39 натпревари, постигна осум голови и запиша три асистенции, додека на Светското клупско првенство беше најдобар стрелец со четири гола и една асистенција.
Набргу по претставувањето на Гарсија, Фулам го потврди и трансферот на 21-годишниот офанзивен играч за врска Цезар Паласиос. За неговите услуги клубот плати околу 10 милиони евра, а во Лондон ќе настапува со дресот со број 8.
