Алтернативен план за Европа да се одбрани користејќи ги постојните воени структури на НАТО во случај на повлекување на САД добива на популарност, откако ја обезбеди поддршката од Германија, објавува „ Волстрит џурнал” , во услови на постојани напади од страна на американскиот претседател врз Северноатлантската алијанса.
Според извештајот, службениците кои работат на плановите, кои некои ги нарекуваат „европскo НАТО”, се стремат да постават повеќе Европејци на командни и контролни позиции во алијансата и да ги дополнат американските воени средства со свои.
Плановите – кои неформално се туркаат преку странични дискусии околу НАТО – немаат намера да се натпреваруваат со постојниот сојуз, тврдат учесниците. Европските претставници имаат за цел да одржат одвраќање од Русија, оперативен континуитет и нуклеарен кредибилитет дури и ако Вашингтон ги повлече силите од Европа или одбие да ја брани, како што се закани претседателот Трамп.
Плановите, кои првпат се појавија минатата година како доказ за длабочината на европската загриженост за кредибилитетот на САД, се забрзаа откако Трамп се закани дека ќе го одземе Гренланд од сојузникот на НАТО, Данска, и добиваат ново значење во услови на застој околу одбивањето на Европа да ја поддржи војната на САД против Иран.
