Градоначалникот на Општина Гази Баба, Бобан Стефковски утрово информираше дека денес од Автокоманда започна големата есенска акција на ЈКП Гази Баба за чистење и уредување на јавните површини.
Во рамки на акцијата се чистат улиците, се кастрат дрвјата, се собираат лисјата, се уредуваат зелените површини и се подига комуналниот отпад.
„Комуналната хигиена е основа за здрава и убава општина. Чистите улици, уредените паркови и одржуваните простори создаваат подобра средина за живеење, обезбедуваат безбедно движење и придонесуваат за поквалитетен живот во Гази Баба“, истакна Стефковски кој воедно искажа и голема благодарност до посветените работници на ЈКП Гази Баба.
За нив вели дека секојдневно, од рано наутро, работат напорно за општината да биде почиста, поуредена и позелена.
„Благодариме за нивната огромна посветеност и одговорност кон животната средина“, се заблагодари градоначалникот.
Тој апелираше до граѓаните заеднички да ја подигнат свеста за правилно одлагање на отпадот и да не се фрлаат отпадоци на улица, да се чуваат зелените површини и да придонесе секој по малку за почиста Гази Баба.
