Во текот на изминатата недела, екипите на ЈП Комунална хигиена подигнале и транспортирале 615 кубни метри отпад од диви депонии низ Скопје.
Од комуналното претпријатие потенцираа дека повторно голема количина отпад биле насобрани од улицата Џон Кенеди, во непосредна близина на ООУ „Васил Главинов”, каде што веќе подолг период се забележува фрлање отпад на јавни и сообраќајни површини.
Еко-патролата на Комунална хигиена минатата недела изготви 21 записник за лица и правни субјекти затекнати при кршење на Законот за јавна чистота, од коишто 13 записници се врачени на територијата на скопската општина Чаир.