Граничните премини од Србија и БиХ кон Хрватска, патувањето на патниците кои возеа кон ЕУ им го претворија во пекол. Воведувањето на новиот ЕЕС систем за дигитална идентификација направи огромни гужви, нервози и чекање од по неколку часа.
Некои од патниците не успеаја воопшто да влезат, затоа што ЕЕС открил дека над 3.200 патници веќе ја искористиле „квотата“ денови за дозволен престој во Унијата.
Началник на Хрватската управа за граница Зоран Ничено сепак смирува и вели дека контролата трае околу една минута и дека полицијата ќе користи мобилни уреди за нивно намалување, особено за време на викенди и туристичка сезона. Тој ги објасни придобивките на Системот, велејќи дека значително ја зголемува безбедноста на границите.
Ничено посочи дека новиот систем овозможува размена на податоци со национални и европски бази, што може да помогне и во криминалистички истраги и идентификација на лица.
