Едно лице повредено откако со возилото излетало од патот кај Пехчево

Едно лице е повредено во сообраќајна несреќа што се случи вечерва околу 20:45 часот кај месноста Крива Круша, во близина на Пехчево.

Несреќата се случила кога возилото се превртело и излетало од патот. Повреденото лице било извлечено од екипи на Територијалната противпожарна единица Берово, по што со брза интервенција е пренесено од екипа на Итна медицинска помош, потврди за МИА командирот на ТППЕ Берово Димитар Гошевски.

Сообраќајот на овој потег во моментов се одвива со наизменично пропуштање на возилата, под контрола на сообраќајната полиција.

Од полицијата најавија дека повеќе детали за несреќата ќе бидат соопштени во текот на вечерта.

Поврзани вести:

17-годишник приведен во Скопје по пријава за однос со 14-годишна малолетничка

21-годишен гостиварец тешко повреден во сообраќајка на булеварот „Браќа Ѓиноски“

Уапсен 36-годишник од Неготино поради разбојништво во обложувалница

Тринаесетгодишно момче претепано од група малолетници во Влае

Мотоциклист од Гостивар „летал“ со 188 километри на час на автопатот Гостивар – Тетово, заработи кривична пријава

71-годишна жена тешко повредена по пад од балкон во Гостивар