Холандски работник добил отказ откако учествувал на маратон во Ротердам додека бил на боледување поради проблеми со колкот. Работодавачот оценил дека со тоа ја злоупотребил довербата на компанијата и ги избегнувал своите работни обврски.
По отказот, вработениот ја оспорил одлуката пред суд, тврдејќи дека учеството на маратонот не било спротивно на неговото лекување.
Во постапката бил приложен медицински извештај во кој докторот навел дека физичката активност може да придонесе за побрзо закрепнување.
„Физичката активност може побрзо да му помогне во заздравувањето и затоа му одобрив постепено зголемување на физичкиот напор“, стои во лекарскиот извештај.
По разгледувањето на сите докази, судот пресудил во корист на работникот, оценувајќи дека отказот не бил оправдан.
Компанијата е задолжена да му исплати околу 60.000 евра оштета, како и дополнителен паричен надомест согласно судската одлука.
