До 40 степени и денеска, попладне можен пороен дожд и грмежи

Времето денеска ќе биде сончево и многу топло, со мала до умерена облачност, информира Управата за хидрометеоролошки работи. Попладне на поедини места ќе има услови за изолирана нестабилност проследена со краткотраен пороен дожд и грмежи. Ќе дува слаб до умерен ветер од северен правец, а дневната температура ќе достигне од 32 до 40 степени.

Во Скопје се очекува сончево и многу топло време со температура до 40 степени. Според прогнозата, многу топлото време ќе продолжи и во наредните денови, а високи температури ќе се задржат и во текот на ноќта. Во четврток и петок се очекуваат услови за локална нестабилност со пороен дожд и грмежи.