Франција обезбеди место во четвртфиналето на Светското првенство, откако со минимални 1-0 го совлада Парагвај во натпревар исполнет со многу дуели и прекршоци.
Победничкиот гол го постигна Килијан Мбапе од пенал во 70. минута, со што им донесе пласман на „триколорите“ меѓу осумте најдобри репрезентации. Во четвртфиналето Франција ќе се соочи со Мароко.
По натпреварот, селекторот Дидие Дешамп откри дека бил загрижен поради грубата игра на противникот и стравувал дека Мбапе би можел да заработи сериозна повреда.
„Ги замолив двајца од нашите најголеми играчи да застанат покрај Килијан на крајот од натпреварот бидејќи ќе го собореа. Не беше лесно. Тие ги користеа сите можни средства. Не е тоа фудбалот што привлекува публика на трибините, но мора да се признае дека се бранеа добро. Секогаш е тешко против јужноамериканските репрезентации“, изјави Дешамп.
И покрај големата доминација во поседот на топката, Франција долго време не успеваше да ја пробие цврстата одбрана на Парагвај, а победата ја обезбеди дури во второто полувреме со прецизниот удар на Мбапе од белата точка.
