Денеска завршува првиот уписен рок за запишување ученици во прва година средно образование за учебната 2026/2027 година.
Полуматурантите се пријавуваат по електронски пат преку порталот Uslugi.gov.mk, користејќи ги своите кориснички сметки на платформата schools.mk. По електронската апликација, кандидатите треба да ја достават потребната документација во училиштето во кое конкурираат.
Во јуни се предвидени две електронски пријавувања. Првото започна на 12 јуни и трае до денеска на полноќ, додека второто е закажано за 23 јуни.
Августовскиот уписен рок ќе содржи едно електронско пријавување, кое ќе се реализира на 20 август.
Според конкурсот на Министерството за образование и наука, во 109 јавни средни училишта низ државата се обезбедени повеќе од 25.000 слободни места.
Од вкупниот број, над 17.000 места се наменети за стручно образование, речиси 6.000 за гимназиско образование, додека околу 570 места се предвидени за уметничките училишта.
