Лина Ѓорческа синоќа го одработи последниот тренинг пред денешниот меч од првото коло на Вимблдон против шестата носителка Аманда Анисимова од САД.
Меч за историјата на македонскиот тенис и спорт воопшто. Натпреварот започнува во 12 часот на еден од главните терени, а ќе може да се слиди во директен пренос на Арена спорт каналите.
Лина Ѓорческа ќе стане првиот тенисер од Македонија што настапил во главната конкуренција на гренслем-турнир во сингл. Претходно во двојки во 2001 година Александар Китинов стигна до третото коло на овој турнир.
Вчера Ѓорческа изјави: „Квалификациите минаа одлично. Отсекогаш знаев и верував дека сум блиску, а треба и да се склопат коцките, за да биде совршено. Секој меч беше тежок, сите што учествуваат се меѓу 200-те најдобри на светот во еден од најмасовните спортови и затоа нема лесен меч. Сепак, би го издвоила вториот меч против Франсиска Жорге. Последниот меч го одиграв одлично, загубив три гема и навистина сум среќна пред сè со тоа како се носев за време на мечот. За мојата противничка нема што многу да се каже, квалитетна и комплетна тенисерка, мојата единствена цел е да го одиграм своето. Таа е ланска финалистка и шеста носителка и затоа мечот е на еден од главните терени. Се надевам дека ќе биде интересен меч и гледајте и навивајте од дома“, изјави 31-годишната тетовка.
