Дел од Крњево денеска без вода поради интервенција на водоводната мрежа

Дел од жителите на населбата Крњево денеска ќе останат без вода поради изведба на водоводен приклучок, информираат надлежните служби.

Прекинот во водоснабдувањето ќе започне од 9:00 часот и ќе ги опфати корисниците на улицата „Хусеин Бајрам“, како и улиците со броеви од 163 до 172 во населбата Крњево.

Причина за прекинот е изведба на водоводен приклучок со пречник Ф150 на улицата „Дана Стуцки“ бр. 18.

Од надлежните посочуваат дека водоснабдувањето ќе биде нормализирано веднаш по завршувањето на работните активности, а граѓаните се повикуваат на трпение и разбирање додека трае интервенцијата.