Четири понуди стигнале на тендерот за набавка на 150 електрични автобуси, распишан од Министерство за транспорт и врски, а по празниците ќе започне нивната евалуација. Доколку постапката биде успешна, првите 30 автобуси се очекува да пристигнат во септември.
Од вкупниот број, 100 автобуси се наменети за Скопје, а 50 за другите градови. Проектот е вреден околу 51 милион евра и опфаќа и набавка на станици за полнење. Ова е втор обид за набавка, откако претходниот тендер пропадна.