Македонските граѓани се на штрек – ќе има ли големо поскапување на горивата. Државните институции смируваат – објаснувајки дека имаат мерки за контрола на нагли ценовни шокови на горивата поради војната на Блискиот Исток.
Воените дејствија како и прекинот на транспортот на нафта низ Ормутскиот теснец, предизвикаа нагло зголемување на цените на енергентите на светските пазари во изминатите два дена.
Цената на суровата нафта достигна околу 85 американски долари за барел и се предвидува дека ќе продолжи да расте.
Во Македонија граѓаните покажаа мала вознемиреност првиот ден од кризата со зголемено посетување на бензиските, но смирување дојде во понеделникот кога Регулаторната комисија за енергетика соопшти дека бензините поскапуваат за еден денар по литар, а цената на дизел горивата останува иста,
Од македонското Министерството за енергетика информираат дека континуирано ја следат состојбата на глобалните пазари и дека нема простор за загриженост кај граѓаните, оти земјава е меѓу најснабдените во регионот со нафтени ресурси.
Од Министерството за финансии, пак, посочија дека внимателно ја следи состојбата и, доколку има потреба, ќе пристапи кон измени на делот на акцизата, за да не дојде до голем ценовен шок.
