Граничниот премин Долно Блаце е целосно затворен за влез и излез во и од Република Северна Македонија.
Како што информираат од Автомото сојузот на Македонија преминот е затворен за сите видови возила и лица.
Претходно од АМСМ информираа и дека од 16 часот во прекин е сообраќајот на „Јадранска Магистрала“ во еден правец – од клучка Приштина кон бензинска пумпа „Дизел“.
Од МВР велат дека во координација со другите надлежни институции Министерството презема мерки за гаснење на пожарот.
Апелираат до граѓаните да не тргнуваат кон ГП Блаце до гаснењето на пожарот и нормализирање на сообраќајот, за што Министерството навремено ќе ја информира јавноста.