Димитар Апасиев, соопшти дека следната недела во Собранието, во својство на претседател на Постојаната анкетна комисија за заштита на слободите и правата на граѓанинот, планира да закаже посебна комисиска седница на која ќе се расправа за трагичниот пожар во кочанската дискотека.
-Ќе се разгледува добиената Претставка од „Здружението 16 Март” на родителите од Кочани, на која ќе се расправа за изнесените наводи поврзани страшната трагедија во дискотеката „Пулс”. На седницата официјално ќе бидат поканети и претставници на подносителите, објави Апасиев.
Инаку, и пратеници од СДСМ бараат одржување на надзорна расправа за катастрофата во Кочани во која загинаа 63 млади луѓе.
