Италијанскиот тенисер Јаник Синер го освои Завршниот АТП турнир во Торино. Во финалето, вториот светски тенисер го совлада првиот рекет на светот, Шпанецот Карлос Алкараз, со 7:6 (7:4) и 7:5.
Мечот траеше 2 часа и 4 минути. Синер запиша 8 аса, направи 5 двојни грешки и искористи 2 од 2 брејк топки. Алкараз постигна 5 аса, не направи ниту една двојна грешка и реализираше 1 од 3 брејк топки.
Дваесет и четиригодишниот Синер го освои Завршниот турнир втора година по ред, откако во финалето во 2024 година го победи Американецот Тејлор Фриц. Со оваа победа, Италијанецот дојде до својата 24. АТП титула во сингл конкуренција.
Дваесет и двегодишниот Алкараз исто така има освоено 24 АТП титули и го одигра своето прво финале на Завршниот турнир.
Поврзани вести:
МОЖЕБИ ЌЕ ВЕ ИНТЕРЕСИРА: