Полицијата од Скопје, Велес и Куманово изминатото деноноќие интервенираше во четири случаи на семејно насилство, при што се уапсени две лица.
Ноќеска, 44-годишна скопјанка го пријави сопругот во полиција дека физички ја нападнал, а тој пак пријави физички напад од двајца роднини на сопругата. 33-годишна скопјанка пријави напад од нејзиниот партнер во домот во Шуто Оризари. МВР презема мерки за расчистување на двата случаи.
Вчера вечер полициски службеници од СВР Велес лишија од слобода 35-годишен велешанец, постапувајќи по претходна пријава дека во домот и се заканувал на неговата 32-годишна сопруга. Тој бил приведен во полициска станица, известени биле јавен обвинител и Центар за социјални работи Велес и по документирање на настанот против него ќе биде поднесена соодветна пријава. Кумановската полиција приведе 58-годишен кумановец затоа што агресивно се однесувал и и се заканувал на неговата партнерка и членови од нејзиното семејство.
