Обвинителството почна истражна постапка против 26-годишно лице за закана со подметната бомба во авион на скопскиот аеродром. Од таму велат дека постои основано сомневање дека лицето сторило кривично дело „тероризам“.
„Осомничениот на 16. овој месец во раните утрински часови, преку телефонската линија за итни случаи 192, со умисла упатил сериозна закана за подметната бомба во воздухоплов на Меѓународен аеродром – Скопје, на летот Скопје – Анталија. Веднаш од страна на МВР биле активирани протоколите за антитерористичка проверка и по неколку часа утврдено е дека станува збор за лажна пријава. Осомничениот со својата постапка создал чувство на страв и несигурност кај патниците и другите присутни на аеродромот, а воедно со активирање на протоколите за антитерористичка проверка го пореметил и севкупниот воздушен сообраќај“, потенцираат од Обвинителството.
Доставен е предлог за определување мерка притвор против осомничениот.
Поврзани вести:
МОЖЕБИ ЌЕ ВЕ ИНТЕРЕСИРА: