(ВИДЕО) Нова биста на Цветан Димов во Кисела Вода

Во Кисела Вода, спроти седиштето на Општината беше поставена новата биста на
народниот херој Цветан Димов. Претходниот споменик беше во лоша состојба поради
негрижа и оштетувања. По барање на жителите, Општината изработи нова биста, со што
на овој голем херој му се оддава заслужено признание, а историската меморија добива
повидливо и достојно место.

-Нашите херои не се само имиња во учебниците, тие се сведоци на историјата, втемелени
во нашата слобода и иднина. Со новата биста на Цветан Димов, поставена на ова видно
место, соодветно оддаваме почит кон неговата жртва, но и создававме услови многу
повеќе луѓе, особено младите, да ја запознаат неговата приказна, изјави градоначалникот
Орце Ѓорѓиевски.