(ВИДЕО) Се обновува спортската сала во училиштето „Димитар Миладинов“

Во основното училиште „Димитар Миладинов“ е во тек реконструкција на фискултурната сала. Од Општина Центар велат дека со тоа продолжува заложбата за создавање квалитетни услови за воспитно-образовниот процес и за унапредување на спортската инфраструктура во училиштата.

„Реконструкцијата предвидува санација на подот, реконструкција на ѕидовите и внатрешната кровна површина, замена на дотраените прозорци и бележење на спортскиот терен“ – изјави градоначалникот на општина Центар, Горан Герасимовски, кој ќе бара од центарци нов мандат на претстојните локални избори.