Жителите на одредени делови од Општина Центар денеска ќе останат без вода поради дефект на водоводна приклучна цевка и изведување нов водоводен приклучок, информираат од надлежните служби.
Поради дефект на приклучна цевка ф-3 на улицата „Славејко Арсов“ број 81, прекин во водоснабдувањето ќе имаат корисниците од дел од оваа улица. Прекинот ќе започне во 09:30 часот, а водоснабдувањето ќе биде нормализирано по завршувањето на санациските активности.
Дополнително, поради изведување водоводен приклучок со профил ф-100 милиметри на улицата „Христо Смирненски“ број 17, без вода ќе останат корисниците од делот на улицата кој се протега меѓу „Зур Маркет“ и булеварот „Партизански Одреди“.
За овој дел од Општина Центар, прекинот на водоснабдувањето е најавен од 09:00 часот и ќе трае до завршување на работните активности на терен.
Од надлежните служби апелираат граѓаните навреме да ги обезбедат потребните количини вода и да имаат разбирање додека траат интервенциите за отстранување на дефектите и подобрување на водоводната мрежа.
