(ВИДЕО) „Шанса за Центар“ со реакции до градоначалникот Горам Герасимовски

Иницијативата „Шанса за Центар“ алармираше за хаотична и контроверзна градба што се изведува во срцето на Дебар Маало, во непосредна близина на детска градинка. Во објава на социјалните мрежи тие остро реагираат дека проектот се спроведува без почитување на соседското право, безбедносните стандарди, но и мирот на жителите и децата.

„Вака се гради во Дебар Маало! Без усул ни за соседското право, или безбедноста, спокојот на жителите или на децата од градинката,“ напишаа од „Шанса за Центар“.

Претходно од Иницијативата реагираа и на изградбата на паркинг просторот за 40 возила зад трговскиот центар Буњаковец, со која се пофали градоначалникот на Центар, Горан Герасимовски.