Поради планирани зафати и реконструкција на електродистрибутивната мрежа, денеска без електрична енергија ќе останат дел од корисниците во општините Чаир, Кисела Вода, Бутел и Зелениково, информира Регионалниот центар за управување со кризи, повикувајќи се на известување од ЕВН Македонија.
Во периодот од 08:00 до 11:30 часот без струја ќе бидат дел од корисниците на улиците „Славеј Планина“, „Прохор Пчински“ и „Јоаким Крчовски“ во Општина Чаир.
Од 09:00 до 14:00 часот, поради реконструкција на нисконапонската мрежа, прекин во снабдувањето со електрична енергија ќе има на улицата „Ѓорѓи Капчев“ бр. 31, како и на улиците „Ристо Аврамовски“ и „Димитар Солев“.
Во периодот од 09:00 до 12:00 часот, без електрична енергија ќе останат фирмата СТХ ДОО Скопје, лоцирана во кругот на Стаклара, како и дел од околните објекти во Општина Кисела Вода.
Од 09:00 до 13:00 часот прекин на напојувањето ќе има и за дел од корисниците на улицата „Боро Кралевски“ во населбата Радишани, во Општина Бутел.
Дополнително, од 10:00 до 15:00 часот, поради технички зафат на електродистрибутивната мрежа, без струја ќе остане и дел од селото Пакошево во Општина Зелениково.
Од надлежните апелираат граѓаните навреме да ги планираат своите активности согласно најавените прекини во снабдувањето со електрична енергија.
