„Оваа година за првпат истовремено се променети сите три вирусни соеви во составот на вакцината – два за грип А и еден за грип Б. Светската здравствена организација и американската агенција ФДА ги ажурираа трите соеви заедно, што доведе до одложување на производството кај производителите ширум светот“, информираат од Министерството за здравство.
Од институцијата додаваат дека се во постојана комуникација со земји од регионот и пошироко и очекуваат вакцините да бидат обезбедени во текот на овој месец преку меѓународни канали.
Министерството потсетува дека вакцинацијата останува најсигурната заштита од тешки форми на грип и можни компликации, особено кај хронично болните, постарите лица и бремените жени.
Граѓаните ќе бидат навремено информирани за понатамошниот тек на набавката и почетокот на вакцинацијата.
