Кочанец уапсен, осомничен дека ограбил сограѓанин веднаш по банкомат

Шеесетгодишен жител на Кочани е приведен под сомнение дека со употреба на сила му одзел пари на 54-годишен сограѓанин веднаш откако тој ги подигнал од банкомат.

Според информациите од Министерството за внатрешни работи, вчера во 17:15 часот полициски службеници од Одделението за внатрешни работи Кочани го лишиле од слобода М.Ѓ. (60) од Кочани.

Претходно, 54-годишниот Д.М. од Кочани подигнал пари од банкомат кој се наоѓал во близина на автобуската станица во градот. По тоа, осомничениот, според пријавеното, му ги одзел парите со употреба на сила.

За случајот бил известен надлежен јавен обвинител, а по целосното расчистување и документирање на настанот, од МВР најавуваат поднесување соодветна пријава.

Поврзани вести:

Од среда стартува вакцинацијата против грип, Клековски ќе биде меѓу првите вакцинирани

„Испрани“ речиси 7 милиони денари преку скопска станица за технички преглед на возила

Кривична пријава против в.д. директорот на УХМР и седум вработени, штетата надминува 500.000 евра

Мицкоски: Дипломатската штета падна врз Бугарија, наш приоритет е екстрадицијата на Ива Михаилова и нејзиниот татко

Македонија се сеќава на Тоше Проески – 19 години од прераната загуба на музичката легенда

Денеска дожд, ветер и снег на планините – од викендот следува стабилизација на времето