Кошаркарите на Реал Мадрид испишаа историја откако го совладаа Олимпијакос со 93:89 во финалето на првото издание на Суперкупот на Евролигата.
Финалниот натпревар донесе нова пресметка меѓу двата европски гиганти, кои пред неколку месеци се сретнаа и во финалето на Фајнал-фор турнирот, кога победата ја однесе Олимпијакос.
Овојпат, „кралевите“ возвратија и со одлична игра стигнаа до историскиот трофеј, станувајќи првиот клуб што го освоил Суперкупот на Евролигата.
Реал ја направи разликата во првата и последната четвртина, што се покажа како клучно за конечната победа од 93:89.
Петмина кошаркари на шпанскиот состав натпреварот го завршија со двоцифрен број поени. Најефикасен беше Тимоте Луваву-Кабаро со 12 поени, додека Прадилја, Андрес Фелиз и Јантунен постигнаа по 11. Маледон додаде 10 поени.
Кај Олимпијакос, Александар Везенков беше убедливо најрасположен со 22 поени, но неговиот учинок не беше доволен грчкиот тим да стигне до нов трофеј.
