Македонија ја очекува нов топлотен бран, температурите ќе надминат 40 степени

Македонија ја очекува нов бран екстремно топло време. Под влијание на топла воздушна маса од југ, во текот на продолжениот викенд и до крајот на следната седмица ќе преовладува сончево и многу топло време со мала до умерена локална облачност.

Според прогнозите, дневната температура во сите делови од земјата ќе биде над 32 степени, а во одделни региони живата во термометарот ќе надмине и 40 степени Целзиусови.

Тропските горештини нема да попуштат ниту во текот на ноќта, бидејќи и минималните температури ќе останат невообичаено високи.