На плоштадот „Македонија“ во Скопје денес свечено беше отворена првата сезона на најголемата спортско-аматерска манифестација за деца и млади во Европа „Плазма – Спортските игри за млади“, а програмата беше збогатена со музички настапи, палење на пламенот на Игрите, видео пораки од светски спортски ѕвезди и бројни спортски активности.
На свеченото отворање присуствуваа високи државни претставници, спортски легенди, амбасадори на Игрите, институции, партнери и илјадници деца со што Македонија и официјално стана дел од големото семејство на Плазма Спортските игри за млади.
Настанот кој го слави спортот, фер-плејот и пријателството, обединува над 27.000 деца од целата држава кои ќе се натпреваруваат во различни спортски дисциплини на локално, регионално и државно ниво, најуспешните млади спортисти ќе обезбедат пласман на меѓународното финале во Сплит, каде ќе се натпреваруваат со врсници од регионот.
