Асфалтирање на патот кон гробиштата „Камник” во Гази Баба

Општина Гази Баба информира дека се отпочнати активностите за асфалтирање на пристапниот пат кон локалните гробишта Камник.

Ова сообраќајно решение предвидува да има кружен тек за влез од едната страна и излез од другата, наместо да се вози во две насоки како досега. Реален проблем на граѓаните со оваа сообраќајна артерија е за време на празниците кога помасовно се посетуваат гробиштата.