Судскиот совет ја предлага Мери Дика Георгиевска за уставен судија

Судски совет ја предложил судијката Мери Дика Георгиевска за нов член на Уставен суд.

Станува збор за искусен судија од Апелациониот суд во Скопје, која зад себе има долгогодишна кариера во правосудството. Таа е дел од судскиот систем од 90-тите години, а во 2005 година е избрана за судија во Апелациониот суд, каде работи во граѓанската област.

Во својата кариера, Георгиевска била и член на Судскиот совет, а во изминатиот период ја извршуваше и функцијата претседател на Апелациониот суд во Скопје.

Предлогот доаѓа во рамки на постапката за пополнување на судиски места во Уставниот суд, институција која има клучна улога во заштитата на уставноста и законитоста во државата.

Поврзани вести:

Премиерот Христијан Мицкоски учествува на Самитот на Берлинскиот процес во Црна Гора

По бегството во Бугарија, Ива Михаилова ќе биде судена во отсуство

Муцунски со францускиот министер Хадад: Разговарале за европскиот пат на Македонија

Министерството за јавна администрација предлага реформа на државната управа

Во Собранието дебата за измени на Законот за народниот правобранител

Денеска променливо облачно со дожд и грмежи, локално се очекуваат поројни врнежи