Времето денеска во Македонија ќе биде променливо облачно со сончеви периоди. Услови за повремен дожд ќе има претежно во планинските региони. Ќе дува умерен ветер од северен правец, кој на места повремено ќе се засилува. Минималните температури ќе се движат од -1 до 7 степени, додека максималните ќе достигнат од 8 до 16 степени.
Во Скопје ќе преовладува променливо облачно време со умерен северен ветер. Утринската температура ќе се спушти до 5 степени, а дневната ќе достигне до 13 степени.
Во среда и четврток времето ќе биде стабилно и суво, со умерен, повремено засилен ветер од северен правец. Од четврток навечер, па сè до крајот на викендот, под влијание на циклонска активност ќе следува нестабилен период со локални врнежи од дожд, кои на места ќе бидат пообилни, како и услови за ретки грмежи. На планините и на повисоките места дождот ќе преминува во снег. Во четврток и петок претпладне ќе дува засилен ветер, претежно од јужен правец.
