Времето денеска претпладне ќе биде сончево со умерена облачност и слаб до умерен ветер од јужен правец. Во попладневните часови се очекува променливо облачно време со сончеви периоди, а на одредени места ќе има услови за локални слаби врнежи од дожд.
Минималната температура ќе се движи од -3 до 4 степени, додека максималната ќе достигне меѓу 13 и 18 степени Целзиусови.
Во Скопје претпладне ќе биде сончево со умерена облачност, а попладне облачноста постепено ќе се зголемува. Ќе дува слаб до умерен ветер од јужен правец. Минималната температура ќе се спушти до 1 степен, а максималната ќе достигне до 17 степени.
Според прогнозите, во вторник и среда претпладне ќе преовладува променливо облачно време со повремени локални врнежи од дожд, кои на одредени места ќе бидат пообилни. Во среда и четврток се очекува умерен, а наместа и повремено засилен ветер од источен и североисточен правец. Во наредните денови дневната температура ќе има тенденција на опаѓање.
