Претседателот на Собрание на Република Македонија, Африм Гаши, изјави дека само вистината и правдата можат да донесат барем малку спокој за семејствата на жртвите од трагичниот пожар во дискотеката „Пулс“ во Кочани.
Според него, трагедијата што го потресе општеството мора целосно да се расветли, а институциите имаат обврска да обезбедат правична постапка и одговорност за сите инволвирани.
Гаши нагласи дека државата треба да покаже зрелост и одговорност, бидејќи семејствата на настраданите, но и целата јавност, очекуваат вистината да излезе на виделина.
Тој посочи дека само преку транспарентна истрага и праведна судска постапка може да се врати довербата на граѓаните во институциите и барем делумно да се ублажи болката на семејствата погодени од трагедијата.
