Дваесетина дена СДСМ секојдневно прашува како петте тони марихуана запленети во Србија успеале да ја поминат македонската граница. Одговорот, според најавите од премиерот Христијан Мицкоски, би можел да биде непријатен токму за нив, откако тој изјави дека истрагата води до лица блиски до опозицискиот блок, но и до поранешни политичари.
Премиерот нагласи и дека случајот ќе биде целосно расчистен и поткрепен со докази, отфрлајќи ги обвинувањата за политички реваншизам.
Вчера и министерот за внатрешни работи Панче Тошковски соопшти дека досега се уапсени десет лица поврзани со транспортот на марихуаната од Македонија кон Србија. На дел од осомничените им е определен притвор, а истрагата продолжува и се проширува.
Инаку, на 29 јануари српската полицијата во близина на Крушевац заплени 5 тони марихуана, за кој тамошните истражни органи посочија дека е од Македонија. Во акцијата беа уапсени 4 лица.
Истовремено и македонското обвинителство отвори истрага, по што следуваше и заплена на уште 40 тона марихуана од фирма во Скопје и Струмица. Истрагата и за оваа заплена е во тек, а ВМРО-ДПМНЕ го постави прашањето за блискоста на сопственикот на запленетата марихуана со Венко Филипче и семејството на Зоран Заев.
