Општина Центар казнува градилишта кои незаконски зафаќаат јавни површини со шут

Четири градилишта во општина Центар се казнети поради незаконско зафаќање јавни површини со градежен шут и материјал што претставува опасност за движењето на пешаците и одвивањето на сообраќајот, извести Општината.

Во рамки на редовните инспекциски контроли, општинските инспектори изготвија записници и издадоа прекршочни налози за градилишта на улиците „Златко Шнајдер”, „9 Мај”, „Дебарца” и „Васил Стефановски”, информираат од Центар.

Паричните санкции за овие прекршоци изнесуваат од 1.300 до 1.800 евра.

Надзорите ќе продолжат како континуирана мерка за одржување на чист и функционален урбан

простор.