На местото на старата детска градинка во Бутел 2, се гради нова со капацитет за 200 деца

Нова градинка за 200 деца се гради во Бутел и е речиси во завршна фаза.

Денеска, на увид во градежните активности за изградба на нова детска градинка во Бутел 2 беа градоначалникот Дарко Костовски и заменик-министерот за социјална политика, демографија и млади Ѓоко Велковски. Градоначалникот објасни дека стариот објект кој бил изграден во далечната 1964 години е срушен и на негово место локалната самоуправа гради нова детска градинка на површина од 1800 м2. Новиот објект ќе има седум занимални со седум спални соби, две занимални со заеднички спални соби и една просторија за јасли.