Утрово најстудено е на Попова Шапка, каде се измерени нула степени, додека најмногу врнежи во изминатите 24 часа има во Крушево — 27 литри на метар квадратен. Според податоците на Управата за хидрометеоролошки работи, значителни врнежи се регистрирани и на Попова Шапка со 24 литри на метар квадратен, како и во Охрид и Лазарополе со по 23 литри. Во Тетово и Маврови Анови се измерени 22 литри, во Пожаране 18, во Тополчани 14, во Прилеп 13, а во Битола и Претор по 12 литри на метар квадратен.
Во Скопје-Зајчев Рид се измерени 10 литри врнежи, во Крива Паланка 8, во Скопје-Петровец и Виница по 6, во Куманово и Ѓуриште по 4, во Велес и Кавадарци по 3, а во Штип, Струмица, Гевгелија и Берово по 2 литри на метар квадратен. Најмалку врнежи се регистрирани во Демир Капија и Пожар-Радовиш — по 1 литар на единица површина.
Снежната покривка на Попова Шапка изнесува 55 сантиметри.
До 08:30 часот утринската температура изнесувала два степена во Берово, Крушево и Маврови Анови, три во Лазарополе, четири во Скопје-Петровец и Крива Паланка, пет во Скопје-Зајчев Рид, Тетово, Битола, Прилеп, Штип, Виница и Кавадарци, шест во Куманово, Претор, Демир Капија и Струмица, а седум степени во Охрид, Велес и Гевгелија.
Денеска времето ќе биде променливо облачно и релативно топло. Претпладне се очекува слаб локален дожд, а по одделни котлини појава на слаба магла. Кон крајот на денот и во текот на ноќта најпрвин во западните делови ќе има врнежи од дожд, кои на повисоките планини во северозападните делови ќе преминуваат во снег. Ќе дува слаб до умерен ветер од западен правец, кој на места повремено ќе се засилува. Максималната температура ќе се движи од 11 до 18 степени.
Во Скопје, претпладне во делови од котлината ќе има појава на слаба магла, а во текот на денот времето ќе биде променливо облачно со сончеви периоди и слаб променлив ветер. Максималната температура ќе достигне околу 15 степени.
