Најстариот син на познатиот пар неодамна упати сериозни обвинувања кон своите славни родители и изјави: „Не сакам да се помирам со моето семејство.“
Со години кружат гласини дека Бруклин Бекам (најстариот син на Дејвид и Викторија Бекам) и неговата сопруга Никол Пелц, се во лоши односи со фудбалската икона и поранешната членка на „Спајс грлс“. Па, што всушност се случи?
Бруклин, кој на социјалните мрежи сега се претставува како Бруклин Пелц Бекам, ја запроси тогашната девојка, ќерка на милијардерот Нелсон Пелц, во 2020 година. Нивната венчавка се одржа во април 2022 година во Палм Бич, Флорида, а според списанието People, на настанот присуствувале бројни познати личности, меѓу кои Мел Си, Серена и Венус Вилијамс, Ева Лонгорија и Гордон Ремзи. На свадбата настапил и Марк Ентони – детал кој подоцна ќе добие дополнително значење.
Повеќе од три години подоцна, во август 2025 година, парот ги обнови брачните завети, но на церемонијата не присуствуваа ниту Викторија, ниту Дејвид Бекам. Исто така, Бруклин ја пропушти и прославата на 50-тиот роденден на својот татко, која се одржа претходно истата година.
Во јануари 2026 година, Бруклин јавно проговори и, како што велат многумина, „ја крена завесата“, објавувајќи низа Инстаграм-сторија со кои потврди голем дел од гласините што со години го следеа семејството.
„Со години молчев и вложував максимален напор овие прашања да останат приватни. За жал, моите родители и нивниот тим продолжија да комуницираат со медиумите, оставајќи ми без избор освен самиот да проговорам и да ја кажам вистината за дел од лагите што беа објавени“, напиша тој.
„Не сакам да се помирам со моето семејство. Не сум под ничија контрола – за првпат во животот застанувам во одбрана на себеси.“
Тој продолжи со уште потешки обвинувања:
„Целиот мој живот, моите родители ги контролираа наративите во медиумите за нашето семејство. Театарските објави на социјалните мрежи, семејните настани и неавтентичните односи беа составен дел од животот во кој сум роден. Неодамна, со свои очи видов до каде се подготвени да одат за да пласираат бројни невистини во медиумите, најчесто на штета на невини луѓе, само за да ја зачуваат сопствената фасада. Но јас верувам дека вистината секогаш излегува на виделина.“
